Foto: Getty Images

Sirtarët apo raftet e mirëorganizuara të kuzhinës mund ta bëjnë përgatitjen e mëngjesit, drekës apo darkës shumë më të lehtë. Por përveç organizimit, sekreti qëndron edhe te çfarë *nuk* duhet të vendosësh nëpër to. Sipas organizatorëve profesionistë të SHBA-së, ka disa sende që nuk kanë vend në sirtarët e kuzhinës tënde. Ja cilat janë ato:

1. Produkte pastrimi apo materiale të rrezikshme

Mos i vendos detergjentët, bateritë apo kimikatet pranë ushqimeve. Rreziku i ndotjes aksidentale është shumë i lartë.

2. Ushqim për kafshët shtëpiake

Edhe nëse është i mbyllur hermetikisht, ushqimi i kafshëve mund të tërheqë insekte, sidomos buburreca. Nëse ke mundësi, ruaje larg ushqimit të njerëzve.

3. Pako ushqimore të hapura

Paketimet e hapura janë ftesë për myk, lagështi dhe insekte. Ruaji në kavanozë hermetikë ose përdor kapëse për t’i mbyllur mirë. Kjo ruan freskinë dhe rregullin.

4. Miell gruri integral

Ky lloj mielli ka jetëgjatësi më të shkurtër dhe priret të prishet në temperaturë ambienti. Vendose në frigorifer për ta ruajtur më gjatë.

5. Ushqime të skaduara ose të ndenjura

Nëse ka kaluar afati ose nuk e ke përdorur kurrë, hiqe që aty. Pastro sirtarët rregullisht. 

6. Fruta dhe perime

Jo çdo produkt bujqësor duhet ruajtur në sirtarë. Fruta si portokalli, ananasi apo shalqiri duhet të mbahen në frigorifer. Për patatet, qepët, domatet dhe bananet, përdor shporta me ajrim të mirë.

7. Artikuj jo ushqimorë

Nëse është "dollap" ushqimesh, atëherë libra, kuti dhuratash, letra ambalazhi, lodra, vegla pune apo llamba rezervë nuk kanë vend aty. Këto mund të shkojnë në një dollap tjetër ndihmës ose në një pjesë tjetër të shtëpisë.

Këshillë bonus:

Mbaje dollapin të përqendruar vetëm tek ushqimet dhe produktet që lidhen drejtpërdrejt me gatimin. Sa më i pastër dhe funksional të jetë, aq më lehtë dhe me qejf do të gatuash.

^{Burimi: Southern Living}