Ka disa gjëra që nuk dalin kurrë nga moda dhe një prej tyre është kombinimi i ngjyrës së zezë me bezhën. Minimalist, klasik dhe gjithmonë elegant, ky duet ngjyrash krijon menjëherë një pamje të sofistikuar, pavarësisht se sa kushton veshja në të vërtetë.
Këtë fundjavë, Lily Collins na rikujtoi fuqinë e këtij kombinimi, teksa u fotografua në Romë krah bashkëshortit të saj, regjisorit Charlie McDowell. Aktorja e njohur për rolin në “Emily in Paris” zgjodhi një xhaketë bezhë në stilin tweed, të kombinuar me një bluzë të bardhë dhe xhinse të zeza me prerje të drejtë.
Aktorja e kompletoi pamjen me sandale të sheshta Celine dhe një çantë të zezë Chanel, ndërsa syzet nga Cartier i dhanë prekjen përfundimtare një veshjeje të thjeshtë, por shumë klas.
Pavarësisht nëse vishesh nga markat luksoze apo jo, rregulli është ky: për të arritur një stil minimalist, por që funksionon gjithmonë, kombino të zezën me të bezhën.
Artikuj të sugjeruar:
