Hëna e re në Peshore (21 tetor) na ndihmon të nisim një udhëtim të ri në çështjet e zemrës dhe të rishikojmë lidhjet tona ndërpersonale. Ndërkohë, Neptuni në prapavijë kthehet te Peshqit më 22 tetor, duke na ftuar të përqafojmë anën tonë shpirtërore dhe të zbulojmë ndjenjat më të thella.
Sezoni i Akrepi nis po atë ditë, duke zbehur “perden” mes botës shpirtërore dhe asaj fizike. Dielli krijon një ndërlidhje me Plutonin në Ujor, më 24 tetor, gjë që mund të shtojë emocionet dhe debatet në marrëdhënie.
Ndërkohë, Mërkuri lidhet me Jupiterin në Gaforre dhe Saturnin në prapavijë te Peshqit po më 24 dhe 25 tetor, duke bërë që problemet të duken më të mëdha nga ç’janë. Zgjidhja më e mirë është të qëndroni të qetë dhe të sigurt: ky është vetëm një moment kalimtar.
Dashi
Kujdes si shpreh fuqinë tënde brenda grupit të miqve, sepse mund të ktheheni nga miq te “armiq me buzëqeshje në fytyrë”. Para se të kundërshtosh dikë, prano se të tjerët kanë të drejtë për mendimin e tyre. Nëse nuk bien dakord, mos u përfshi në kokëfortësinë e tyre, thuaj mendimin tënd dhe lëre me kaq.
Demi
Je plot dashuri për partnerin/en tënd/e dhe dëshiron që e gjitha kjo të të kthehet. Do të jesh në rregull, për sa kohë nuk përdor mënyra manipulimi për të marrë atë që do (apo anasjelltas). Nuk ke pse të provokosh drama për përkujdesje; ajo do të vijë vetë, pa shumë zhurmë.
Binjakët
Energjia jote është zjarr! Megjithëse je i njohur për të bërë punën e dy personave, këtë javë po e shtyn veten edhe më shumë. Merr disa momente qetësie që të mos shterosh plotësisht. Edhe ti ke nevojë për pushim!
Gaforrja
Disa thonë se po fshihesh nga emocionet e tua, por e vërteta është se po i qëndron larg dramës. Megjithatë, mund të ketë momente kur duhet të flasësh dhe të mbrosh dikë tjetër. Përveç rasteve të rëndësishme, do të zgjedhësh heshtjen dhe do të kesh të drejtë.
Luani
Mund të të duket sikur familja po të kritikon, por në fakt ata duan të përmirësojnë marrëdhënien me ty, thjesht s’e dinë si ta shprehin. Dëgjoji përpara se të flasësh me acarim. Kjo javë është ideale për pajtime dhe shërim emocional!
Virgjëresha
Asgjë nuk është tabu për ty këtë javë! Po heq dorë nga imazhi “i përsosur” që të tjerët mendojnë për ty, dhe po hapesh më shumë. Nëse kjo do të thotë të ndash gjithçka, nga ngjyrat e preferuara deri te sekretet, është mëse okay, mjafton të qëndrosh autentik/e dhe i/e sinqertë!
Peshorja
Dëshiron të sjellësh një “shkundje” në marrëdhënie, por të mungojnë fjalët e duhura për ta shprehur. Para se të thuash diçka që mund të keqkuptohet, merr frymë thellë dhe gjej mënyrën e duhur për të folur me butësi.
Akrepi
Askush nuk e kupton më mirë atmosferën në një dhomë se ti, sidomos kur bëhet fjalë për marrëdhënie. Besoji intuitës tënde dhe mos lejo të të manipulojnë. Sa më shumë që shmang ndjenjat e tua të vërteta, aq më vështirë bëhet të lidhesh me vetveten.
Shigjetari
Dashuria është në ajër dhe zemra po të rreh më shpejt! Por para se të hidhesh me kokë në lidhje, mbaji këmbët në tokë. Mos lejo iluzionet të të verbojnë, prit pak, do jesh gati për fazën tjetër shumë shpejt!
Bricjapi
Miqtë e tu kanë shumë opinione, por asnjë që të ndihmon të ndihesh i/e qetë. Para se të fillosh një debat, provo një bisedë të qetë për të kuptuar këndvështrimin e tyre. Ndoshta po përpiqen të të mbrojnë, por mënyra si e shprehin nuk është e duhura.
Ujori
Ana jote konkurruese del në pah këtë javë, veçanërisht për një promovim që e meriton me të drejtë. Askush s’e pret energjinë tënde fitimtare, por ajo do të të çojë përpara. Kujdes vetëm të mos e teprosh me hilet! Qëndro i/e ndershëm/me dhe plot vetëbesim.
Peshqit
Një ish po përpiqet të të kontaktojë, por ti tashmë je në një fazë tjetër. Mos u dorëzo. Është në rregull të jesh “peshku që iku”. Lëri ata me kujtimet; ti po jeton pa pendesa dhe me paqe në shpirt.
