S’do shkosh në plazh? 5 mënyra si të kalosh një fundjavë të lezetshme

TOPTANI

Jo çdo fundjavë është për plazh. E as për mal. Ndonjëherë thjesht do të qëndrosh në qytet, të mos ngasësh makinën për orë të tëra dhe të mos marrësh rrezik mbi supe për të bërë gati valixhen. Por edhe qëndrimi në shtëpi nuk do të thotë fundjavë e humbur. Ja 5 mënyra për ta shijuar pa lëvizur larg:

1. Shko në një vend ku s’ke qenë kurrë (në qytetin tënd)

Një galeri arti, një kafene në një lagje tjetër, një rrugicë që gjithmonë ke menduar “duhet të vij ndonjëherë këtu”. Ndonjëherë është bukur të ndjehesh si turist/e në qytetin tënd.

2. Zgjohu pa alarm dhe bëj mëngjes si në Pinterest

E dimë, tingëllon klishe. Por një mëngjes i ngadaltë, me kafe të bërë vetë, vezë të skuqura me kujdes, pak lëng frutash dhe ndonjë serial, është terapi më vete. Vendosni një muzikë në sfond dhe shijojeni.

3. Shopping, ushqim, teknologji - të gjitha në 1

Nëse doni të mos qëndroni në shtëpi, mund të shkoni diku për shopping, të pini një kafe a të konsumoni një brunch dhe jo vetëm. Për shembull, pa dalë fare nga qyteti, mund të shkoni te Toptani. Modë, teknologji, argëtim dhe stili – të gjitha bashkë. Aty duket si një mikrokozmos i jetës urbane ku çdo kat, çdo dritare dhe çdo hyrje fsheh diçka që nuk e prisje – një surprizë teknologjike, një trend që s’e kishe parë më parë, apo një ndjesi e re që s’ka lidhje vetëm me shopping. Dhe, pa e kuptuar, ndryshon dita.

4. Bëj një mini detox dixhital për 6 orë (po, edhe Instagrami përfshihet)

Fike telefonin. Fike. Merr një libër, një revistë, gatuaj diçka, rregullo dollapin, shëtit pa postuar në Story. Bëj pak detoks nga njerëzit që s’i ke takuar kurrë, por i njeh më mirë se kushërinjtë.

5. Kaloni një mbrëmje me shoqërinë – por me temë

Në vend të darkave klasike me “çfarë t’hamë sonte?”, bëjeni pak më interesante: darkë me temë italiane ku secili sjell një pjate, ose një mbrëmje me filma që i keni parë 100 herë, por gjithsesi nuk lodheni kurrë. Ose një festë ku duhet të visheni çuditshëm. Jo gjithmonë nevojitet një rooftop i shtrenjtë për t’u ndjerë mirë – ndonjëherë është thjesht vera në gotë plastike dhe një mik që s’të gjykon për pizhamet.