Djali i Ali Khamenei-t, Mojtaba, zgjidhet udhëheqësi i ri suprem i Iranit
Mojtaba Khamenei, djali i dytë i ish-udhëheqësit suprem të Iranit, Ali Khamenei, është zgjedhur si lideri i ri suprem i vendit pas vrasjes së babait të tij në një sulm të përbashkët të SHBA-së dhe Izraelit.
Emërimi i tij mund të rrisë tensionet në konfliktin rajonal, pasi presidenti amerikan Donald Trump e ka quajtur këtë zgjedhje “të papranueshme”.
Zgjedhja e tij shënon gjithashtu herën e parë që nga revolucioni i vitit 1979 që udhëheqja supreme në Iran kalon nga babai te djali.
Irani kërcënon me sulme hakmarrëse ndaj objekteve të naftës në të gjithë Gjirin Persik pas sulmeve izraelite
Irain ka kërcënuar se do të sulmojë impiantet e naftës në vendet e Gjirit pasi Izraeli bombardoi disa depo dhe objekte energjetike në Teheran, duke rritur frikën për ndikim në ekonominë globale.
Sulmet shkaktuan zjarre të mëdha dhe tym të dendur mbi kryeqytetin, ndërsa disa punonjës të sektorit të naftës humbën jetën.
Tensionet u rritën edhe më shumë pasi Mojtaba Khamenei u shpall lideri i ri suprem i Iranit, në mes të përshkallëzimit të konfliktit në rajon.
Çmimet e naftës rriten mbi 100 dollarë për fuçi, ndërsa konflikti me Iranin ndikon në furnizime
Çmimet globale të naftës u rritën mbi 114 dollarë për fuçi për herë të parë që nga viti 2022, ndërsa lufta në Iran po rrit shqetësimet për furnizimin me energji.
Konflikti po ndikon në prodhimin dhe transportin e naftës në rajonin e Gjirit Persik, veçanërisht në Ngushtica e Hormuzit, nga ku kalon rreth 20% e naftës botërore.
Si pasojë e tensioneve, shumë cisterna nafte kanë ndaluar kalimin në këtë zonë strategjike.
Shpërthim me bombë në një klub nate në Peru, plagosen 33 persona, përfshirë të mitur
Një shpërthim në një klub nate në Trujillo në Peru ka plagosur 33 persona, mes tyre edhe disa të mitur. Shpërthimi ndodhi në orët e para të mëngjesit në klubin Dalí dhe disa nga të plagosurit janë në gjendje të rëndë.
Autoritetet ende nuk kanë identifikuar autorët apo motivin e sulmit, ndërsa rajoni është përballur së fundmi me rritje të dhunës dhe krimit.
