Është fakt: Flokët e gjatë janë mahnitës dhe na japin mundësinë të krijojmë pafund stilime të ndryshme. Por, kur temperaturat rriten, nuk ka asgjë më bezdisëse sesa ndjesia e flokëve që na ngjiten pas shpinës dhe shpatullave.
Në të vërtetë, ato na bëjnë të djersitemi dhe, si pasojë, flokët duken të çrregullt, pa formë dhe aspak siç do të donim. Është një rreth vicioz që shumë prej nesh e njohim mirë. E vetmja zgjidhje për ditët e nxehta të verës? T’i kapim flokët!
Një nga zgjedhjet më praktike dhe elegante është topuzi, që jo vetëm i mban flokët larg fytyrës dhe trupit, por edhe duket bukur në çdo orë të ditës. Fatmirësisht, ky model flokësh mund të realizohet në të gjitha llojet e flokëve dhe gjithmonë do të duket bukur.
Mund të provoni të lini dy fije para për një pamje shuuumë elegante, të lini vetëm dy gërsheta të vegjël apo të shtoni aksesorë në topuzin e krijuar. Në të gjitha rastet, qoftë të veshura thjesht apo me një fustan veror, sërish do të dukeni të rregullta dhe shumë këndshëm, kjo pa shpenzuar shumë kohë dhe pa u djersitur.
Para se t’i stiloni flokët, aplikoni një vaj ose krem ushqyes e hidratues.
Shikoni më poshtë disa versione të ndryshme të këtij modeli flokësh dhe frymëzohuni për stilin tuaj veror!
-
5 stile pantallonash që janë gjithmonë në modë gjatë verës
17 Korrik, 17:47
