Izraeli nis sulmin ndaj Iranit, SHBA-ja konfirmon pjesëmarrjen në sulme, thonë raportet e medias
Izraeli ka nisur një sulm gjatë ditës ndaj Teheranit, duke thënë se veprimi u ndërmor “për të hequr kërcënimet”, ndërsa pranë zyrave të udhëheqësit suprem Ali Khamenei janë raportuar shpërthimet e para.
Sipas medieve, në operacion po marrin pjesë edhe Shtetet e Bashkuara, gjë që lidhet me presionin e vazhdueshëm të Donald Trump ndaj Iranit për programin e tij bërthamor.
Në Teheran janë parë re tymi dhe janë dëgjuar disa shpërthime, ndërsa në Izrael është shpallur gjendje e posaçme emergjente në mbarë vendin.
Studiuesit vlerësojnë rezultatet "mahnitëse" të trajtimit të ri të kancerit të prostatës
Një ilaç i ri imunoterapie për kancerin e avancuar të prostatës, i quajtur VIR-5500, ka treguar rezultate premtuese në provat e para klinike, duke zvogëluar tumoret te disa pacientë.
Në studimin me 58 burra që nuk po reagonin më ndaj trajtimeve të tjera, shumica patën efekte anësore të lehta dhe një pjesë e konsiderueshme shënoi rënie të fortë të nivelit të PSA-së (Antigjeni Specifik i Prostatës), ndërsa te disa u vu re tkurrje e dukshme e tumoreve.
Ekspertët i kanë cilësuar rezultatet si shumë inkurajuese, por theksojnë se nevojiten prova më të mëdha për të konfirmuar efektivitetin dhe sigurinë afatgjatë të trajtimit.
Dy të vdekur dhe 38 të plagosur pasi tramvaji doli nga shinat në Milano
Një tramvaj doli nga shinat dhe u përplas me një ndërtesë në Milano, duke shkaktuar dy viktima dhe 38 të plagosur.
Sipas kryebashkiakut Giuseppe Sala, një person dhe pasagjeri u goditën jashtë mjetit, ndërsa autoritetet po hetojnë shkaqet e aksidentit.
Hetimet paraprake sugjerojnë se ngjarja mund të lidhet me gabim të drejtuesit dhe jo me defekt teknik.
Gana thotë se të paktën 55 qytetarë të tyre pasi Rusia i "joshi" ata të luftonin kundër Ukrainës
Të paktën 55 shtetas nga Gana janë vrarë në luftën e Rusisë kundër Ukrainës, pasi dyshohet se janë joshur me premtime pune për t’u bashkuar me ushtrinë ruse.
Ministri i Jashtëm Samuel Okudzeto Ablakwa deklaroi se që nga viti 2022 rreth 272 ganezë janë përfshirë në luftime, ndërsa qeveria synon të godasë rrjetet e paligjshme të rekrutimit.
Edhe vende të tjera afrikane kanë raportuar raste të ngjashme, duke shtuar shqetësimet për shfrytëzimin e të rinjve afrikanë në konfliktin në Ukrainë.
