Në një kthesë të papritur të ngjarjeve, duket se Cruz Beckham mund të ketë bërë një hap drejt pajtimit me vëllanë e tij më të madh, Brooklyn, në mes të përplasjes së vazhdueshme familjare.
20-vjeçari ndau një karusel fotosh në Instagram, duke filluar me një foto të vjetër bardhezi ku ai shfaqet me dy vëllezërit e tij. Në këtë foto të ëmbël, Brooklyn buzëqesh duke përqafuar Cruz dhe Romeo-n.
Brooklyn shfaqet gjithashtu në një foto tjetër të postuar, këtë herë së bashku me të katër fëmijët Beckham – përfshirë motrën, Harper – të veshur me rroba pune për bletari.
Victoria Beckham tregoi mbështetjen e saj duke pëlqyer postimin dhe duke komentuar me katër emoji zemrash.
Një komentues shkroi se Cruz po tregonte shenja pajtimi, ndërsa një tjetër tha se atë dukshëm “e ka marrë malli për vëllanë e tij”.
“Shpresoj që të pajtoheni. Trishtim shoh për të gjithë. Ju jeni vëllezër dhe motra dhe kjo kurrë nuk ndryshon,” komentoi një i tretë.
Ky postim vjen vetëm disa javë pasi Brooklyn ndau një seri deklaratash në Instagram duke akuzuar prindërit e tij për “kontrollin” që i kanë bërë jetë së tyre për hir të botës dhe duke këmbëngulur se nuk kishte plane për t'u “pajtuar” me familjen. Në mesazhet e gjata, ai gjithashtu pretendoi se në dasmën e tij me Nicola Peltz Beckham në 2022, në kërcimin e parë të çiftit, e ëma kishte “zaptuar” momentin.
“Para 500 mysafirëve të dasmës sonë, Marc Anthony më thirri në skenë, ku sipas planit duhej të ishte vallëzimi im romantik me gruan, por në vend të kësaj, në pritje për të vallëzuar me mua ishte nëna ime,” shkroi ai.
“Ajo kërceu në mënyrë të papërshtatshme përpara të gjithëve. Nuk jam ndier kurrë aq në siklet apo i turpëruar në gjithë jetën time. Ne donim të ribënim betimet e martesës për të krijuar kujtime të reja të ditës së dasmës, që të sjellin gëzim dhe lumturi, jo ankth dhe turp.”
Që nga deklarata e Brooklyn, as Victoria, as David nuk kanë folur publikisht për akuzat, megjithëse familja gradualisht ka rikthyer aktivitetin në rrjetet sociale.
Qoftë ky postim i fundit i Cruz një përpjekje e sinqertë për pajtim, qoftë thjesht një rikujtim i momenteve më të lumtura, duket si një shenjë se një ribashkim familjar mund të jetë afër.
