Gjatë sezonit të katërt të “Big Brother VIP Kosova”, Jonida Vokshi na ka dhënë disa momente që interneti i ka futur në “arkivën e artë të gafave televizive”. Tekefundit, në transmetime live, gafat ndodhin dhe janë pothuajse të pashmangshme, por kur përsëriten, interneti nuk të fal. E për hir të së vërtetës, gafat e Jonida Vokshit këtë sezon të reality show-t kanë qenë të paharrueshme.
Kështu që, për dashamirësit e momenteve "upsss", po bëjmë një renditje të momenteve virale të Jonidës sipas nivelit të “më fal, çfarë sapo ndodhi?!”.
Vendi i katërt: “Energjia” vs “Regjia”
Në puntatën e parë të sezonit të katërt, gjithçka nisi me një pyetje bazike nga Jonida drejtuar Klodianit: “Cila është pika jote më e fortë aty brenda?”.
Klodiani përgjigjet: “Energjia.”
Jonida: “Regjia?”
Publiku: *në siklet*
Klodiani përpiqet ta shpëtojë situatën me humor: “Energjia. Me qenë regjia, unë jam aty me ty.”
Dhe Jonida, e bindur për territorin e saj: “Jo, unë jam prezantuese.”
Vendi i tretë: Finalistet dhe “emri i tij”
Gjatë gjysmëfinales, në një nga momentet më delikate të mbrëmjes kur do të zbulohej personi i radhës që do të shkonte në finale, Jonida shpalli me seriozitet: “Do të zbulojmë emrin e saj...ose të tij”.
Ok, do thoni ju, ku qëndron problemi? Në garë ishin vetëm vajza: Hygerta, Benita dhe Dolce.
Vendi i dytë: “Tajm” Kastrati
Artistja e makeup-it quhej Time Kastrati. Por anglishtja hyri papritur në spektakël dhe Jonida e lexoi si /taim/ Kastrati. U desh që të ndërhynte Alaudini për të korrigjuar emrin. Interneti aq deshi…Jonida e mori me mend se çfarë e priste, sepse fill pas lapsusit, tha: "U bëra meme prapë".
Vendi i parë: Legjendarja “(pret pak reagim)”
Në një moment gjatë leximit të sponsorit, Jonida bëri atë që shumë prej nesh kemi bërë në prezantime PowerPoint: lexoi gjithçka. Edhe pjesën që nuk ishte për publikun. Fjalia magjike e mbrëmjes?
“(pret pak reagim)”
View this post on Instagram
Sezoni i katërt i BBVK na mësoi diçka (Jonidës po e po): Mos i beso kurrë 100% skaletës dhe gjithmonë prit pak reagim.
