Aktorja 57-vjeçare, Julia Roberts, ka ndryshuar ‘look’, duke u përshtatur me rolin e filmit të saj të ri, “After the Hunt”, që pritet të dalë në tetor 2025. Në trailer, Julia shfaqet me një flokët bionde të prera shkurt dhe të stiluara me onde, krejt ndryshe nga flokët e saj klasikë, të gjatë, me onde të theksuara dhe ndarje në mes.
Në këtë thriller psikologjik të prodhuar nga Amazon MGM, Julia luan përkrah Ayo Edebiri (The Bear) dhe Andreë Garfield (The Amazing Spider-Man). Roberts luan rolin e një mësuese kolegji që përballet me një situatë të vështirë kur studentja e saj më e mirë (Ayo) ngre një akuzë ndaj një kolegu (Andrew), ndërkohë që edhe vetë fsheh një sekret të errët.
Transformimi i saj në bionde në këtë film ka surprizuar fansat, pasi ajo njihet për stilin e saj karakteristikë ndër vite. Madje, në vitin 2024, ajo ka folur pikërisht për këtë në një intervistë.
Gjatë një bisede me skenaristin Richard Curtis, ajo tregoi se sekreti i pamjes së saj qëndron te “gjenet e mira” dhe “të jetuarit e një jete të mbushur me kuptim”.
Roberts, që është nënë e binjakëve 20-vjeçarë, Hazel dhe Phinnaeus, si dhe e djalit Henry, 17 vjeç, me bashkëshortin Danny Moder, shtoi se dashuria është një nga arsyet kryesore që ndihmon në lumturinë e saj si grua.
“Besoj se burri im më do dhe kujdeset për mua në një mënyrë që më bën të ndihem thellësisht e lumtur. Dhe kur sheh dikë të lumtur, nuk ka rëndësi sa vjeç është.”
