Kelly Clarkson është zyrtarisht beqare, dhe sipas saj, as që ka ndërmend të përpiqet për të kundërtën. Këngëtarja tregoi hapur statusin e saj aktual, duke sqaruar arsyen e thjeshtë pse nuk ka interes për të dalë në takime: thjesht nuk do!
“Takimet mund të jenë shumë të vështira,” tha Kelly, më pas shtoi: “Prandaj nuk dal në takime!”
Momenti u filmua nga një spektator dhe u shpërnda në TikTok dhe duket se është çështje kohe para se audioja të bëhet virale.
Ajo e shpjegoi më tej me një krahasim shumë vizual:
“Eshte e vështirë të krijosh lidhje edhe në kushte normale. Po të shtosh edhe famën mbi të, është si…,” – këtu ndaloi për të imituar një shpërthim bombe.
Dhe kush mund ta fajësojë? Si shumë gra të tjera, edhe Kelly po e shijon jetën në mënyrë të pavarur dhe duket se është më e lumtur se kurrë.
Ky qëndrim i saj nuk është surprizë për fansat. Pas ndarjes nga ish-bashkëshorti i saj Brandon Blackstock në vitin 2022, Kelly ka folur shpesh në intervista për dëshirën e saj për të mos u lidhur më.
Në një intervistë për People në vitin 2024, ajo tha:
“Kisha harruar sa mirë që di të jem vetëm.”
“Është shumë më romantike të thuash ‘të dua, por nuk kam nevojë për ty’.”
Në një tjetër moment televiziv në vitin 2024, gjatë emisionit The Kelly Clarkson Show, gazetarja Hoda Kotb e pyeti nëse ndonjëherë e mendon mundësinë e rikthimit në botën e takimeve. Reagimi i Kelly-t ishte i menjëhershëm dhe i prerë:
“Aspak. As edhe një grimcë. Po e shijoj shumë faktin që nuk kam një burrë në jetën time.”
Ajo sqaroi se balancimi i rolit të një nëne beqare, drejtimi i një talk show dhe karriera si këngëtare ndërkombëtare, e bën idenë e një lidhjeje “thjesht shumë të lodhshme”. Dhe kush mund t'i vërë faj?
