Ben Blushi, i ftuar në “Mirëmbrëma Yje”, iu përgjigj pyetjes së Arbana Osmanit, e cila e vendosi mes dy zgjedhjeve: Atë apo Ledion Liçon si prezantues së “Big Brother”. Beni, u përgjigj se pavarësisht se qysh në fillim, në Top Channel donin që të ishte Ledioni drejtues, ai sërish votoi për Arbanën.
“Sigurisht, ty! Je më e mira për këtë format. Më vjen keq që nuk e prezanton “Big-un”. Ata donin Ledionin, por unë nuk pranova. Vura veton për ty, dhe besoj se kam bërë gjënë e duhur.”
Nga ana tjetër, Ledioni e hodhi kunjën e dytë, duke publikuar një thënie të Jim Carrey-t në Instastory.
“Unë mendoj se të gjithë duhet të bëhen të pasur dhe të famshëm, që të kuptojnë se kjo nuk është përgjigjja”, shkruhet në postim.
Më parë, ai mund të ketë hedhur edhe një tjetër thumb. Një varg teksti nga kënga e Rosalia-s, që thotë "S'po kërkoj për hakmarrjen, hakmarrja është duke kërkuar për mua”, që duket si një kundërpërgjigje ndaj Arbanës, e cila në fund të fundit, ishte personi që bëri me vetëdije pyetjen "Unë apo Ledioni?".
