Foto: Cardi B/ GC Images

Cardi B ka dalë fitimtare në Los Angeles pasi trupi gjykues e shpalli unanimisht jo përgjegjëse për sulm fizik në një rast civil kundër saj.

Gjyqi, që u zhvillua për një incident të pretenduar në vitin 2018, u ngrit nga një ish-rojë sigurie, Emani Ellis, e cila pretendonte se reperja e kishte sulmuar me fyerje racore. Vendimi i trupit gjykues e liroi Cardi-n nga çdo detyrim për të paguar dëmet në shumën 24 milionë dollarë.

Cardi B, 32 vjeçe dhe nënë e tre fëmijëve, mohoi çdo përplasje fizike gjatë dëshmisë së saj, duke përmendur gjendjen e saj shtatzënë dhe trupin "e madh" të Ellis-it, kushte që nuk e lejonin të kryente aktet për të cilat po akuzohej. Ajo gjithashtu argumentoi se ato vetëm kishin debatuar me fjalë pasi Ellis kishte shkelur privatësinë e saj, duke e filmuar gjatë një vizite te gjinekologu.

Në një incident dramatik gjatë gjykatës, Ellis pretendoi se Cardi i kishte goditur faqen me thonjtë e saj, por një doktor nga zyra e gjinekologut në Beverly Hills dëshmoi se nuk e kishte parë sulmin. Ellis e ngriti padinë kundër Cardi B-së në vitin 2020.

Sikur të mos mjaftonte gjyqi, ditën e vendimit, Cardi B u kap në kamera duke hedhur një bojëtush ndaj një paparaci që e pyeti për thashethemet mbi shtatzëninë, të cilat thuhej se vinin nga ish-bashkëshorti i saj, Offset. 

Stylistja e saj Elizabeth Stewart, e cila punon edhe me Julia Roberts, ishte pranë saj gjatë gjithë situatës, ndërsa Cardi u largua në një makinë. Paparaci megjithatë, e përshëndeti duke thënë:

“Të dua ende, Cardi!”

Përveç kësaj, Cardi B është paditur së fundmi për një incident të pretenduar në Las Vegas në vitin 2023, ku dyshohet se hodhi mikrofonin gjatë një performance. Reperja gjithashtu ka aplikuar për divorc nga Offset, me të cilin ka tre fëmijë.

^{Burimi: Page Six}