Reese Witherspoon ka treguar për herë të parë se si një marrëdhënie abuzive në fillim të karrierës së saj ndikoi thellë në vetëvlerësimin dhe vetëbesimin e saj. Ylli i “The Morning Show” ndau përvojën e saj në një episod të podcast-it të The New York Times, The Interview, më 20 shtator, duke e përshkruar si një periudhë të vështirë dhe sfiduese që kërkoi një transformim të thellë personal.
"Duhej të riprogramoja mendjen time," tha ajo. "Shpirti im ishte i lënduar, sepse fillova të besoj të gjitha ato gjëra të tmerrshme që ai person thoshte për mua. Më duhej kohë për të rindërtuar veten."
Witherspoon rrëfeu se, edhe pse arriti të largohej nga marrëdhënia abuzive, pasojat emocionale vazhduan ta ndiqnin.
“Kur je e re, hyn në marrëdhënie që nuk të bëjnë mirë, dhe shpesh nuk i kupton menjëherë dinamikat që ndodhin.”
View this post on Instagram
Për shkak të ndikimit të thellë të kësaj përvoje, ajo ndjeu nevojën të rikthehej tek vetja dhe të investonte në shëndetin e saj mendor dhe emocional. Tani, si nënë e tre fëmijëve, Ava, Deacon dhe Tennessee, ajo thotë se ka punuar shumë për të ndërtuar këtë version të fortë të vetes që është sot.
“Më është dashur shumë kohë për t’u bërë gruaja që jam tani,” tha ajo në intervistë me gazetaren Lulú García-Navarro. “Është jashtëzakonisht e vështirë të jesh një figurë publike dhe njëkohësisht të ruash privatësinë.”
Witherspoon theksoi gjithashtu presionin e vazhdueshëm që ndjejnë personazhet publikë në epokën e mediave sociale:
“Kam shumë dhembshuri për njerëzit që jetojnë nën syrin e publikut dhe përpiqen të kenë një jetë private. Është thuajse e pamundur tani, ndihesh sikur je një kafshë në kopsht zoologjik, e jo një njeri që thjesht po kalon kohë me fëmijët ose po përjeton një moment personal.”
