Katy Perry dhe Justin Trudeau janë shfaqur bashkë për herë të parë si çift në “Crazy Horse Paris”, për të festuar ditëlindjen e këngëtares 41-vjeçare.
Në fotot e siguruara nga TMZ, çifti shihej i kapur për dore dhe shumë të buzëqeshur.
Katy kishte veshur një fustan të kuq, ndërsa politikani kishte zgjedhur një veshje tërësisht të zezë.
Kjo është hera e parë që ata shfaqen si çift, pas puthjes së famshme në jahtin e këngëtares.
Katy dhe Justin ndezën thashethemet pasi u panë duke darkuar gjatë verës, në Montreal të Kanadasë. Asokohe, Katy sapo ishte ndarë nga Orlando Bloom, në qershor, ndërsa Justin ishte divorcuar nga e shoqja, pas 18 vitesh martesë.
Pas disa muajsh ku nuk u panë më bashkë, ata u fotografuan në shtator duke u përqafuar dhe puthur në një jaht pranë brigjeve të Santa Barbara-s. Një burim më vonë i tha People se Justin “kishte qenë ai që e kishte ndjekur” këngëtaren që prej takimeve të tyre në Montreal.
“Madje, ai fluturoi në Kaliforni për ta takuar gjatë një pushimi të turneut,” tha burimi. “Ata kanë një lidhje të lehtë e natyrale. Asaj i duket tërheqës. Ai ka treguar shumë respekt”.
E po, të trashëgohen!
