Sipas burimeve, Victoria Beckham po përjeton “makthin më të madh të jetës së saj” pasi përçarja me djalin e saj më të madh, Brooklyn Beckham, vazhdon.

Familja Beckham është përfshirë në një dramë të madhe që ka errësuar edhe ditëlindjen e 50-të të David Beckham, pasi Brooklyn dhe gruaja e tij, Nicola Peltz, munguan për herë të dytë në festimet e organizuara familjarisht.

Si pasojë, thuhet se Victoria ka kaluar net pa gjumë — sidomos pasi ajo dhe bashkëshorti i saj, ish-futbollisti David Beckham, kishin punuar për të përmirësuar marrëdhëniet me nusen e tyre pas një përplasjeje të përfolur në vitin 2022.

“Ky është makthi më i madh i Victorias. Mendimi që ndonjëri nga fëmijët e saj të jetë në konflikt me familjen i sjell net pa gjumë,” tha një burim për “The Sun”.

“Ka qenë e vështirë me Brooklyn-in që nga koha kur ai u lidh me Nicola-n dhe nuk ka dyshim se pati një përçarje familjare për shkak të dasmës së tyre. Por Victoria dhe David kanë punuar shumë për të rregulluar marrëdhëniet, ndaj kjo është një goditje e vërtetë,” shtoi burimi.

Brooklyn Beckham, 26 vjeç, dhe Nicola Peltz, 30 vjeçe, kanë qëndruar larg aktiviteteve familjare në javët e fundit. Brooklyn nuk mori pjesë në asnjë nga festimet për ditëlindjen e të atit, që përfshinin festa në Miami dhe Londër.

Ndërkohë që shkaku i përçarjes mbetet i pakonfirmuar, është përfolur se Brooklyn është në mosmarrëveshje me vëllanë më të vogël, Romeon, për shkak të të dashurës së tij të re, modelen Kim Turnbull.

Megjithatë, burime të mëparshme për Page Six e kanë mohuar këtë. “Është thjesht një justifikim për të krijuar një konflikt,” tha një burim për ta, duke i quajtur thashethemet për vëllezërit “të pavërteta”.

Brooklyn gjithashtu mungoi dhe në sfilatën e Victorias në Paris në mars.

Teksa tensionet vazhdojnë të rriten, çifti që jeton në Los Angeles nuk pranoi as ftesën për të marrë pjesë në Met Gala 2025, që u mbajt në New York të hënën.

FilmMagic

Pas martesës së çiftit në prill 2022, është përfolur gjerësisht se ka pasur tensione midis Nicola-s dhe Victoria-s.

Artikuj të sugjeruar:

_{Burimi: Page Six}